దేవుని న్యాయం... ...

కారునలుపైన కోయిలకు కమ్మని గొంతుక నిచ్చాడు,

రాలిపోయే చినుకుకు ముత్యపు రూపాన్ని ఇచ్చాడు,

కదల లేని రాయిని కళాశిల్పంగా మార్చాడు,

వాడిపోయే పుష్పానికి పూజించే భాగ్యం అందించాడు,

ప్రతి ప్రాణికి లోపాన్ని మరిపించే నిగారింపు ఇచ్చాడు,

నాకు మాత్రం నీ కమ్మని స్నేహాన్ని ప్రసాదించాడు.

నీ పిలుపు కై.......

క్షణానికి ఒకసారి అల ఇసుకను కవ్విస్తుంది,

నిమిషానికి ఒకసారి తుమ్మెద పువ్వును చుంబిస్తుంది,

నెలకు ఒకసారి పున్నమి వెన్నెల విరుస్తుంది,

సంవత్సరానికి ఒకసారి వసంతం ప్రకృతిని పలుకరిస్తుంది,

కాని,

ఇన్నాళ్ళుగా వేచివున్న నీ పిలుపు మాత్రం కానరాకుంది.