అతివ ఆవేదన ...

కానలకు పంపిన కోదండరాముని ఫై,

జానకి కంత జాలి యేల?

జూదం లో తననోడిన ధర్మరాజు ఫై,

ద్రౌపది కంత దయయేల ?

తనను మరచి వెళ్ళిన దుష్యంతుని ఫై,

శకుంతల కంత సహనమేల?

తన దరికి తిరిగి రాని గోపాలుని ఫై,

రాధ కంత అనురాగమేల?

మాధవుని మనసైనదైనా,

హరిశ్చంద్రుని ధర్మపత్నియైనా ,

కాంతకు కన్నీరు తప్పలేదే?

తన సహనమే తనకు శిక్షా?

లోకహితం లోకపావనికి పరీక్షా?

లోకం లో మూడు వంతుల నీరు,

స్త్రీల నయనాలు చెమర్చిన కన్నీరు,

ఇంకా అతివను ఏడిపిస్తే మీరు ,

ధరణి దుఃఖ కడలి లోకి చేజారు. . !