అలసిన వేళ ఆదరించే అమ్మలా,
అలిగిన వేళ అనునయించే నాన్నలా,
కష్టం లో తోడుగా నిలిచే నేస్తం లా,
ఇష్టం తో కొంటెగా ఏడిపించే ప్రియునిలా,
కన్నీరే రాల్చనివ్వని నా కలల రాకుమరిడిలా,
కౌగిలి లో బంధించుకునే కమ్మని అనుబంధం లా,
దరికి చేరవా ప్రియా ఏకాంతాన నీ కాంత విలపించే ఈ వేళ లో ,
గైకొని పోవా ఇక రెక్కల గుర్రం మీద చుక్కల లోకాలకు ఈ జాము లో !!!!!!!!
భారత జాతి సీతయై , బంగరు జింక ఓడరేవై ,
మారీచుని మాయ నాదం సర్కారు అఫిడ్విటై ,
రామసేతే లక్ష్మనరేఖయై ,దేశ సంస్కృతికి రక్షణ రేఖయై ,
లంకేషుని కపట భిక్షాటన ఈ కాసుల ఒప్పందమై,
కూల్చే రాయి కదిలే భారతావని నైతిక విలువలై,
చెరిపే వంతెన తో మన అస్తిత్వమే నిర్వీర్యమై,
ఇది మరో సీతాపహరణం అయి ,
అడ్డుతగిలే జటాయువు కొరవైనది ,
వంద కోట్ల నరులలో,
రామునికో వానరం కరువైనది!
చేరివచ్చిన వసంతం లో చిగురించిన మన పరిచయం గుర్తొచ్చింది,
కురిసిన హేమంతం లో నీ చల్లని చిరునవ్వు గుర్తొచ్చింది,
వర్షపు జల్లులలో నీ అల్లరి పిలుపులు గుర్తొచ్చాయి,
మండువేసవి లో అందమైన నీ కోపం గుర్తొచ్చింది,
మోడుబోయిన శిశిరం లో నీకు దూరమైన విరహం గుర్తొచ్చింది,
శరదృతువు వెన్నెల లో నీకై చుసిన ఎదురుచూపులు గుర్తొచ్చాయి,
అన్ని ఋతువులు నీ అనురాగ రాగల భరితమైతే,
ఏ రోజు నిన్ను మరువను అంతా నీ జ్యాపకాల మయమైతే .......
నిమిషానికి ఒకసారి తుమ్మెద పువ్వును చుంబిస్తుంది,
నెలకు ఒకసారి పున్నమి వెన్నెల విరుస్తుంది,
సంవత్సరానికి ఒకసారి వసంతం ప్రకృతిని పలుకరిస్తుంది,
కాని,
ఇన్నాళ్ళుగా వేచివున్న నీ పిలుపు మాత్రం కానరాకుంది.
